Tamil Beauty

எமது இணையத்தில் தோன்றும் Pop-up விளம்பரத்தை உடனே "Back KEY"யை ↩ பயன்படுத்தி "Close" ✘ செய்யுங்கள்.

Tamil Beauty

Latest Post


உங்களுக்கு தலைமுடி அதிகம் கொட்டி, வழுக்கை விழ ஆரம்பிக்கிறதா? இதனால் மிகுந்த வருத்தத்தில் உள்ளீர்களா? முக்கியமாக தலைமுடி உதிர்வதைத் தடுக்கவும், வழுக்கை விழுந்த இடத்தில் முடியின் வளர்ச்சியைத் தூண்டவும் நிறைய பணம் செலவழித்தும், அதற்குரிய பலனைப் பெறவில்லையா? கவலையை விடுங்கள்.

 ஏனெனில் இந்த பிரச்சனைக்கு பல இயற்கைத் தீர்வுகள் உள்ளன.இங்கு அவற்றில் சில கொடுக்கப்பட்டுள்ளன. அவற்றைப் படித்து அதன்படி தவறாமல் பின்பற்றி வந்தால், நிச்சயம் வழுக்கை விழும் இடத்தில் முடியின் வளர்ச்சியைத் தூண்டலாம். சரி, இப்போது வழுக்கை விழுந்த இடத்தில் முடியின் வளர்ச்சியைத் தூண்ட உதவும் சில பயனுள்ள வழிகளைக் காண்போமா!

ஆளிவிதைஆளி விதையில் ஒமேகா-3 ஃபேட்டி ஆசிட் மற்றும் புரோட்டீன் ஏராளமாக உள்ளது. இவை தலைமுடியின் ஆரோக்கியத்தை மேம்படுத்தி, முடியின் வளர்ச்சியைத் தூண்டும். அதற்கு 3 டேபிள் ஸ்பூன் ஆளி விதையை, 2 கப் நீரில் போட்டு நன்கு கொதிக்க விட வேண்டும். அப்படி கொதிக்கும் போது, அதிலிருந்து ஓர் ஜெல் போன்று வரும், அப்போது இறக்கி குளிர வைத்து, அந்த ஜெல்லை தலையில் ஸ்கால்ப்பில் படும்படி தடவி 10 நிமிடம் ஊற வைத்து, குளிர்ந்த நீரில் கழுவ வேண்டும்.

 இப்படி வாரத்திற்கு மூன்று முறை செய்து வந்தால், நல்ல பலன் கிடைக்கும்.

வெங்காயம்வெங்காயத்தை அரைத்து சாறு எடுத்து, அதில் தேங்காய் எண்ணெய் சேர்த்து கலந்து, ஸ்கால்ப்பில் படும்படி தடவி, 20 நிமிடம் ஊற வைத்து, பின் குளிர்ந்த நீரில் தலைமுடியை அலச வேண்டும். இப்படி வாரத்திற்கு 2 முறை செய்து வந்தால், விரைவில் நல்ல பலன் கிடைக்கும். இதற்கு முக்கிய காரணம் வெங்காயத்தில் உள்ள சல்பர் தான்.

இளநீர்இளநீரில் உள்ள வெள்ளை நிறப் பகுதியை அரைத்து சாறு எடுத்து, அதனை ஸ்கால்ப்பில் படும்படி தடவி 1 மணிநேரம் ஊற வைத்து குளிர்ந்த நீரில் அலச வேண்டும். இந்த முறையும் தலைமுடியின் வளர்ச்சியைத் தூண்டும்.

விளக்கெண்ணெய் மற்றும் நெல்லி எண்ணெய்விளக்கெண்ணெய் மற்றும் நெல்லிக்காய் எண்ணெயை ஒன்றாக கலந்து, இரவில் படுக்கும் முன், தலையில் தடவி நன்கு மசாஜ் செய்து, இரவு முழுவதும் ஊற வைத்து, மறுநாள் காலையில் ஷாம்பு போட்டு அலச வேண்டும். இப்படி வாரத்திற்கு 2 முறை செய்து வந்தால், முடி நன்கு அடர்த்தியாக வளர்வதோடு, வழுக்கை உள்ள இடத்திலும் முடி வளர ஆரம்பிக்கும்.

நெல்லிக்காய்நெல்லிக்காய் தலைமுடியின் ஆரோக்கியத்தை அதிகரிக்கும் ஓர் சிறப்பான பொருள். இது தலையில் ஏற்படும் பல பிரச்சனைகளுக்கும் தீர்வளிக்கக்கூடியது. எனவே 6-7 உலர்ந்த நெல்லிக்காயை 2 கப் சுடுநீரில் போட்டு இரவு முழுவதும் ஊற வைத்து, மறுநாள் காலையில் அந்த நீரை வடிகட்டி, நெல்லிக்காயை அரைத்து, அத்துடன் 2 டீஸ்பூன் தேங்காய் எணணெய் சேர்த்து கலந்து, ஸ்கால்ப்பில் படும்படி தடவி 30 நிமிடம் ஊற வைத்து, குளிர்ந்த நீரில் அலச வேண்டும். இதனால் முடியின் வளர்ச்சி தூண்டப்படும்.

அதிமதுர வேர்நிச்சயம் இந்த பொருள் பலருக்கும் தெரிந்திருக்க வாய்ப்பில்லை. ஆனால் இது நாட்டு மருந்து கடைகளில் கிடைக்கும். இந்த அதிமதுர வேருக்கு தலைமுடி உதிர்வதைத் தடுத்து, முடியின் வளர்ச்சியை அதிகரிக்கும் சக்தி உள்ளது. எனவே 1/4 கப் அதிமதுர வேர் பொடியை சிறிது பால் மற்றும் 2 டேபிள் ஸ்பூன் பாதாம் எண்ணெய் சேர்த்து கலந்து, வழுக்கை உள்ள இடத்தில் தடவி 15 நிமிடம் ஊற வைத்து, குளிர்ந்த நீரில் அலச வேண்டும். இப்படி செய்வதால் தலையில் உள்ள பல பிரச்சனைகள் அகலும்.

செம்பருத்தி பூசெம்பருத்திப் பூவை அரைத்து பேஸ்ட் செய்து, அத்துடன் விளக்கெண்ணெய் சிறிது சேர்த்து கலந்து ஸ்கரப்பில் தடவி, 15 நிமிடம் ஊற வைத்து தலையை குளிர்ந்த நீரில் அலச வேண்டும். இதனால் செம்பருத்திப் பூ மயிர்கால்களை வலிமைப்படுத்தி முடி உதிர்வதைத் தடுக்கும் மற்றும் பொடுகுத் தொல்லை, நரைமுடி போன்றவற்றையும் போக்கும்.

முட்டை மாஸ்க்முட்டையில் புரோட்டீன் ஏராளமாக நிறைந்துள்ளது. எனவே அத்தகைய முட்டையை 2 எடுத்து அதன் வெள்ளைக்கருவை தனியாக ஒரு பௌலில் ஊற்றி, அத்துடன் சிறிது ஆலிவ் ஆயில் சேர்த்து கலந்து, ஸ்கரப்பில் படும்படி தடவி 20 நிமிடம் ஊற வைத்து, பின் மைல்டு ஷாம்பு போட்டு அலச வேண்டும். இதனால் முடிக்கு வேண்டிய புரோட்டீன் கிடைத்து, முடியின் வளர்ச்சி தூண்டப்படும்.


தற்போது உடல் பருமன் பெரும் பிரச்சனையாக உள்ளது. இப்பிரச்சனைக்கு தீர்வளிக்க பல வழிகள் இருந்தாலும், அனைத்துமே அனைவருக்கும் மாற்றத்தைக் காண்பிக்கும் என்று சொல்ல முடியாது. சிலருக்கு உடனடி மாற்றங்கள் தெரியும், இன்னும் சிலருக்கு எடையில் எந்த ஒரு மாற்றமும் தெரியாமல் இருக்கும்.

உடல் எடையைக் குறைக்க வேண்டுமானால், உணவுகளில் கட்டுப்பாடு அவசியம். அதோடு கலோரிகள் நிறைந்த உணவுகள் உண்பதைக் குறைத்து, செரிமானத்தை மற்றும் உடலின் மெட்டபாலிசத்தை மேம்படுத்தும் உணவுகளை உட்கொள்ள வேண்டும்.

இக்கட்டுரையில் கொடுக்கப்பட்டுள்ள அரிசி பால் கஞ்சியை ஒருவர் தொடர்ந்து மூன்று நாட்கள் குடித்து வந்தால், அது உடலின் மூலை முடுக்குகளில் உள்ள கொழுப்புக்களைக் கரைத்து, சிக்கென்ற உடலைப் பெற உதவும். சரி, இப்போது அந்த அரிசி பால் கஞ்சியை எப்படி தயாரிப்பது என்றும், அதைக் குடிப்பதால் கிடைக்கும் வேறு சில நன்மைகள் குறித்து காண்போம்.

தேவையான பொருட்கள்:

கைக்குத்தல் அரிசி - 1 கப்

தண்ணீர் - 8 கப்

சூரியகாந்தி எண்ணெய் - 2 டேபிள் ஸ்பூன்

தேன் - 4 ஸ்பூன்

தயாரிக்கும் முறை:

* முதலில் நீரை நன்கு கொதிக்க வைத்து, அதில் அரிசியைப் போட்டு நன்கு கொதிக்க வைக்க வேண்டும். நீர் நன்கு கொதிக்க ஆரம்பித்ததும், தீயைக் குறைத்து, மூடி வைத்து 15 நிமிடம் அரிசியை வேக வைக்கவும். சாதம் நன்கு வெந்ததும், அதை இறக்கி குளிர வைக்கவும்.

* பின் ஒரு பிளெண்டரை எடுத்து, அதில் இந்த சாதத்தைப் போட்டு நன்கு மென்மையாக அரைத்துக் கொள்ளவும். பிறகு அத்துடன் சூரிய காந்தி எண்ணெய் மற்றும் தேன் சேர்த்து மீண்டும் நன்கு அரைத்து, வேண்டுமானால் சிறிது பட்டை தூள் சேர்த்துக் கலந்து கொண்டால், அரிசி பால் கஞ்சி தயார்!

பயன்படுத்தும் முறை:

இந்த அரிசி பால் கஞ்சியை தினமும் 2 டம்ளர் குடிக்க வேண்டும். குறிப்பாக இதை காற்றுப்புகாத ஒரு கண்ணாடி பாத்திரத்தில் போட்டு மூடி வைத்தால், 2-3 நாட்கள் வரை பயன்படுத்தலாம்.

இப்போது இந்த அரிசி பால் கஞ்சியைக் குடிப்பதால் கிடைக்கும் வேறுசில நன்மைகள் குறித்து காண்போம்.

* இந்த கஞ்சியைக் குடித்தால், இதய பிரச்சனைகள், பக்கவாதம் போன்றவைகளின் தாக்கத்தைத் தடுக்கலாம். இதற்கு அதில் உள்ள ப்ளேவோனாய்டுகள் தான் காரணம்.

* இந்த கஞ்சியினுள் உள்ள உட்பொருட்கள் உடலின் நோயெதிர்ப்பு மண்டலத்தின் வலிமையைத் தூண்டி, உடலுக்கு ஓர் நல்ல பாதுகாப்பு கவசத்தை அளித்து, உடலை நோய்களின் தாக்கத்தில் இருந்து பாதுகாக்கும்.

* அரிசி பால் கஞ்சியில் கொழுப்புச்சத்து மிகவும் குறைவு. மேலும் இதைக் குடித்தால், உடலால் உண்ணும் உணவுகளில் உள்ள வைட்டமின் சத்துக்களை எளிதில் உறிஞ்ச முடியும்.

குறிப்பு

உடல் எடையைக் குறைக்க அரிசி பால் கஞ்சியைக் குடித்தால், தினமும் தவறாமல் சிறிது நேரம் உடற்பயிற்சியில் ஈடுபட வேண்டியது அவசியம். இதனால் விரைவில் உடல் எடையில் நல்ல மாற்றத்தைக் காணலாம்.

காட்டாமணக்கு என்பது ஒரு இலை தாவரம். இது கருஞ்சிவப்பு நிற துளிர்கள் மற்றும் சிவப்பு நிறத்தில் மலர்கள் கொண்டிருக்கும்.

இதன் இலைகள் கைகளை போல இருக்கும். காட்டாமணக்கு குச்சி, பட்டை, வேர், இலை, அதிலிருந்து எடுக்கப்படும் பால் என அனைத்தும் மருத்துவ குணங்கள் கொண்டவை தான்.


இது எச்சில், தாய்பால் சுரக்க செய்வதில் இருந்து, வயிறு மற்றும் பல் சார்ந்த அனைத்து விதமான கோளாறுகளுக்கும் சிறந்த இயற்கை நிவாரணியாக திகழ்ந்து வருகிறது...


தாய் பால், எச்சில்!
எச்சில் நன்கு சுரந்தால் தான் செரிமானம் சிறக்கும். தாய்ப்பால் நன்கு சுரந்தால் தான் பிள்ளை ஆரோக்கியம் சிறக்கும். இந்த இரண்டையும் தரவல்லது காட்டாமணக்கு இலை. மேலும், இது பல்லின் இரத்த கசிவை நிறுத்தவும் உதவுகிறது.

குச்சி!
காட்டாமணக்கு செய்தின் இளம் குச்சியை கொண்டு பல் துலக்கினால் பல்வலி, ஆடுதல், இரத்தம் கசிதல், என பல் சார்ந்த எல்லா பிரச்சனைகளுக்கும் தீர்வு காணலாம்.

வேர்!
காட்டாமணக்கின் வேரின் பட்டையை நன்கு அரைத்து சிறிதளவு பாலில் கலந்து குடித்து வந்தால் இரத்த சோகை, காமாலை, வீக்கம், வயிறு கட்டி, வயிறு உப்பசம், வயிற்று கோளாறுகள் போன்றவை குணமாகும்.

பால்!
காட்டாமணக்கு பால் கொண்டு வாய் கொப்பளித்து வந்தால் வாய்ப்புண் குணமாகும். அந்த பாலை துணியில் நனைத்து ஈறுகளில் இரத்த கசிவு ஏற்படும் இடத்தில் வைத்தால் இரத்த கசிவு நிற்கும்.

தேங்காய் எண்ணெய்!
காட்டாமணக்கு எண்ணெய் மற்றும் தேங்காய் எண்ணெயும் சேர்த்து கலந்து உடலில் சொறி சிரங்கு இருக்கும் இடத்தில் பூசி வந்தால் சரும பிரச்சனை குணமாகும்

இலை
காட்டாமணக்கு இலையுடன் விளக்கெண்ணெயில் வதக்கி கட்டி இருக்கும் இடத்தில் கட்டி வைத்தால் கட்டிகள் கரையும். கட்டி இருக்கும் இடத்தில் இருக்கும் வலியும் குறையும்.


முடி உதிர்வு என்பது யாருக்கும் தீர்க்க முடியாத பிரச்சனை. கூந்தல் உதிர்வை கட்டுப்படுத்த கண்ட ஷாம்புக்களை உபயோகிக்காமல் இயற்கை முறையில் தீர்வு காணலாம்.


முடி உதிர்வு என்பது யாருக்கும் தீர்க்க முடியாத பிரச்சனை. கூந்தல் உதிர்வை கட்டுப்படுத்த கண்ட ஷாம்புக்களை உபயோகிக்காமல் இயற்கை முறையில் தீர்வு காண ஆராய வேண்டும். பல அற்புத மூலிகைகள் கூந்தல் வளர்ச்சிக்காக நமது நாட்டில் காலங்காலமாக உபயோகிக்கப்படுகின்றன. அவற்றைப் பற்றி சில பயனுள்ள தகவல்கள் உங்களுக்காக.


* மாங்கொட்டையில் உள்ள ஓட்டை எடுத்துவிட்டு, உள்ளிருக்கும் பகுதியை அப்படியே அரைத்துக்கொள்ளுங்கள். வெண்ணெய் போல் வரும். இதனுடன் 1 ஸ்பூன் வேப்பம்பூ, விளக்கெண்ணெய் சேர்த்து கலந்து தலைக்கு நன்றாக மசாஜ் செய்யுங்கள். பிறகு, கடலைமாவு, பயத்தமாவு, சீயக்காய் மூன்றையும் கலந்து தலைக்கு தேய்த்து அலசுங்கள். இது, முடி உதிர்வதைத் தடுத்து வளர்ச்சியைக் கூட்டும். 

* வெட்டிவேர் - 10 கிராம், பட்டை - 100 கிராம், வெந்தயம் - 2 டீஸ்பூன், இவற்றைக் கால் லிட்டர் தேங்காய் எண்ணெயில் போட்டு, ஒரு வாரம் தொடர்ந்து வெயிலில் வைத்து வடிகட்டிக்கொள்ளுங்கள். இந்தத் தைலத்தை சிறிது தேங்காய் எண்ணெயில் கலந்து தினமும் தலைமுடி வேர்க்கால் முதல் நுனி வரை தடவுங்கள். முடி கொட்டுவது நிற்பதுடன் கருகருவென வளரும்.

* ஃப்ரெஷ் ஆவாரம் பூ, செம்பருத்தி, தேங்காய்ப் பால் தலா ஒரு கப் எடுத்து, வாரம் ஒரு முறை அரைத்து தலைக்குக் குளிக்கலாம். உடல் குளிர்ச்சியாவதுடன் முடி கொட்டுவது உடனடியாக நின்று கூந்தல் வளரத் தொடங்கும்.

* டீத்தூள், மருதாணி பவுடர், வெந்தய பவுடர், கடுக்காய்த்தூள், தேங்காய் எண்ணெய், தயிர் இவற்றைத் தலா ஒரு டீஸ்பூன் எடுத்து, ஓர் எலுமிச்சம் பழத்தின் சாறைப் பிழிந்து ஊற்றி, இரவில் தயாரித்துக் கொள்ளுங்கள். மறுநாள் தலையில் தேய்த்து அரை மணி நேரம் ஊறவையுங்கள். குளியல் பவுடரைத் தேய்த்துக் குளித்தால், முடி உதிர்வது உடனடியாக நிற்பதுடன், கருகரு எனச் செழித்து வளரும். 

* கருநீலத் திராட்சையின் தோலை நீக்கி உலர வைத்து, பொடித்துக் கொள்ளவும். இதனுடன் வெந்தயத்தூள், கடலை மாவைக் கலந்து தலைக்குத் தேய்த்துக் குளியுங்கள். தூசுகள் நீங்கி, கூந்தல் கருமையாக மாறும். நன்றாக வளரும். 

பழங்கள் உண்பது ஆரோக்கியத்துக்கு நல்லது என்பது யாவரும் அறிந்ததே. இந்தப் பழங்களின் மகிமையை அறிந்ததாலேயே முருகக் கடவுள்கூட பழம் சம்பந்தமான ஒரு பிரச்சினை காரணமாக கோபம்கொண்டு பழனி மலைவரை போனதாக சொல்லப்படுகிறது.

பழங்கள் ஒவ்வொன்றுக்கும் பற்பல சிறப்பியல்புகள் இருக்கின்றன. ஆனால் மருத்துவச் சிறப்பியல்புகள் அனைத்தையும் ஒருங்கே தன்னகத்தே கொண்ட ஒரு மருத்துவப் பழமாக ஜம்புப் பழமே விளங்குகின்றது.


சுவைமிக்க இந்தப் பழம் கலோரி பெறுமானம் குறைந்தது. நிறை அதிகரிப்பை ஏற்படுத்தமாட்டாது. நீரிழிவு நோயாளரில் கூட குருதி வெல்லத்தின் அளவை அதிகரிக்கமாட்டாது. அதிகளவு நீா்த்தன்மையும் நார்த்தன்மையும் கொண்டது. தாகம் தணிக்கும். மலச்சிக்கலைத் தவிர்க்கும். ஊட்டச்சத்துக்கள் நிறைந்தவை.

பசியைப் போக்கும், குடிப்பதற்கான இயற்கையான ஆரோக்கிய பானம் தயாரிப்பதற்கு இது ஒரு சிறந்த பழமாகும். சிறுவா்களும் சுகதேகிகளும், சகலவிதமான நோயாளா்களும் உண்பதற்கு ஏற்ற ஒரு கனியாக இது விளங்குகிறது. அத்துடன் இது குருதி கொலஸ்ரோலின் அளவைக் குறைப்பதற்கு உதவுவதாகவும் நம்பப்படுகிறது.


ஜம்பு மரமானது நீண்டகாலம் பயன்தரக்கூடிய ஒரு பசுமையான மரமாகும். இது இலகுவில் நோய்த்தாக்கத்துக்கு உட்படமாட்டாது. இதனால் இதற்கு மருந்தடிக்கவேண்டிய தேவை இல்லை. எமது சூழலில் இலகுவிலே வளரக்கூடிய இந்த மரமானது தான் வளரும் சூழலுக்கு நல்ல குளிர்ச்சியைக் கொடுக்கும். வளா்ந்து 6 மாத காலத்திலேயே பயன்தரத்தொடங்கும் இந்த மரங்களைப் பராமரிப்து மிகவும் இலகுவானது.


எங்களையும் எமது சந்ததியினரையும் எமது சுற்றாடலையும் பாதுகாக்க இன்றே எமது வீடுகளில் இரண்டு ஜம்பு மரங்களை நடுவோம். உறவினா்களுக்கும் நண்பா்களுக்கும் ஜம்பு மரங்களைப் பரிசாக வழங்குவோம். எமது நிறுவனங்கள் மற்றும் பாடசாலைகள் தோறும் ஜம்பு மரங்களை நட்டு வளா்ப்போம். எதிர்காலத்தில் ஜம்புப் பழங்களைப் பிற பிரதேசங்களுக்கும் ஏற்றுமதிசெய்ய ஆரம்பிப்போம்.


thank you:-சி. சிவன்சுதன்
வைத்திய நிபுணர்
யாழ்.போதனா வைத்தியசாலை

நாம் உணவாக எடுத்துக் கொள்ளும் அதிக காரம் மற்றும் சுகாதாரமற்ற உணவு வகைகளால் உடலில் நச்சுத்தன்மை சேர்ந்து அவை செரிக்கப்பட இயலாத காரணத்தால், உடலில் நச்சு நீராக மாறுகிறது. இவையே, இரத்த ஓட்டத்தைத் தடை செய்து உடலில் ஆங்காங்கே கட்டிகள் மற்றும் வீக்கத்தை உண்டு செய்கின்றன.

இப்படி காணப்படும் கட்டிகள் மற்றும் வீக்கங்களில் பொதுவாக வலி இருக்காது, ஆனால் சிலருக்கு அந்தக் கட்டிகளின் தன்மைகளால் சற்று மன வேதனை ஏற்படும்.

சாதாரண வகைக் கட்டிகளில் கொழுப்புக் கட்டி,நார்க் கட்டி மற்றும் நீர்க் கட்டி எனப் பல வகைகள் இருக்கிறது.

கட்டிகள் மற்றும் வீக்கம் தோன்றக் காரணங்கள்: 
சுகாதாரமற்ற செயற்கை வாசனை அதிக அளவில் சேர்க்கப் பட்ட அதிக காரத் தன்மை கொண்ட கொழுப்பு வகை உணவுகள் அதிகம் சாப்பிடுவதன் மூலம் சிலருக்கு கட்டிகள் ஏற்படலாம். அதிக எண்ணெய்ப் பிசுக்குகள் காரணமாக அழுக்குகள் சேர்ந்தாலும், சிலருக்கு கட்டிகள் வரலாம்.

சிலருக்கு அதிக உடல் சூட்டினாலும், சூட்டுக் கட்டிகள் வரலாம். சிலருக்கு நீரிழிவு பாதிப்பின் காரணமாக, ஏற்படலாம். மேலும் சிலருக்கு, அதிக அளவிலான மதுப் பழக்கத்தின் மூலம் உடலில் ஏற்பட்ட நச்சுத் தன்மை அதிகரிப்பின் காரணமாக ஏற்படலாம். அதிக உடல் எடையின் காரணமாகவும் சிலருக்கு கட்டிகள் ஏற்படலாம், மேலும், பல்வேறு வகை கட்டிகள் மற்றும் வீக்கங்கள் நடுத்தர வயது ஆண்களையே, அதிகம் பாதிக்கின்றன.

எப்படி அறிவது? 
சாதாரணக் கட்டிகள் வலிக்காது, சமயத்தில் அவற்றின் அளவுகள் மாறு பட்டாலும், அவை அதிக அளவில் பாதிப்பை ஏற்படுத்தாது. இந்த வகைக் கட்டிகளே, கொழுப்புக் கட்டிகள் எனக் கூறப்படுகின்றன. இவை உடலின் அதிகப்படியாக சேர்ந்த கொழுப்புகளின் காரணமாக உருவாகி, இந்தக் கட்டிகள், உடல் கை கால் மற்றும் இணைப்புப் பகுதிகளில் அதிகம் காணப்படும். கொழுப்புக் கட்டிகள் பொதுவாக, மனிதர்களுக்கு எந்தவித பாதிப்பையும் தருவதில்லை,

எருக்கன் இலை : 
கட்டிகள் உடலிலோ அல்லது முகத்திலோ காணப் பட்டால், எருக்கன் இலைகளை எடுத்து விளக்கெண்ணை இட்டு சூட்டில் வதக்கி, அந்த இலையை, கட்டி அல்லது வீக்கத்தில் வைத்து இரவில் கட்டிவர, அவை சரியாகும்.

அத்திமர இலைப் பால் : 
மேலும், அத்திமரக் கிளையை ஒடித்தால், அதிலிருந்து பால் வெளி வரும். அந்தப் பாலைக் கொண்டு தடவி வர, கட்டிகளை சரி செய்யலாம். மேலும், ஒரு மருந்து. மஞ்சள் மற்றும் சவக்காரம் என்று சொல்லப்படும் சலவை சோப், தற்காலத்தில் சவக்காரம் எனும் சலவை சோப்பை யாரும் பார்த்திருக்க வாய்ப்புகள் இல்லை, கிடைத்தால் உபயோகிக்கலாம், இல்லை என்றால், தற்கால டிடர்ஜென்ட் சலவை சோப்பை உபயோகிக்கலாம்.

மஞ்சள் மற்றும் சோப் : 
மஞ்சளை இழைத்து அந்த மஞ்சளுடன் சலவை சோப்பை சேர்த்து கலக்க, கருஞ்சிவப்பு நிறத்தில் அந்தக் கலவை மாறும். அதனை எடுத்து கட்டி உள்ள இடத்தில் தடவி வரலாம்.

தேன் மற்றும் சுண்ணாம்பு : 
மேலும், சிறிதளவு தேன் மற்றும் சிறிது சுண்ணாம்பு எடுத்து நன்கு கலக்கி, அந்தக் கலவையை கட்டிகளின் மேல் பூசலாம். மேற்சொன்னவை கூட, இதையும் செய்யலாம். சோற்றுக் கற்றாழை, உடலில் சேர்ந்த நச்சுக்களை நீக்கி, உடல் உறுப்புகளை சரி செய்து, உடலை வலுவாக்கும்.

கற்றாழை மற்றும் பனை வெல்லம் : 
அத்தகைய சோற்றுக் கற்றாளை மடல்களை எடுத்து, அதன் சதைப் பகுதியை நன்கு அலசி அத்துடன் சிறிது பனை வெல்லம் சேர்த்து தினமும் காலை வேளைகளில் சாப்பிட்டு வர, உடல் நச்சு காரணமாக உடலில் உண்டான கட்டிகள் நீங்கிவிடும்.

உணவுகள் : 
மேலும், சத்தான உணவையே உண்ணவேண்டும். துரித வகை உணவுகள், செயற்கை இரசாயன சுவை உணவுகளைத் தவிர்க்க வேண்டும். கொழுப்புத் தன்மை கொண்ட பால் பொருட்கள் பயன்பாடுகளை நீக்க வேண்டும்.

குளிர் பானங்கள், 
ஐஸ்க்ரீம் தவிர்ப்பது, உடலுக்கு நன்மை செய்யும். கீரை வகைகளை அதிக அளவில் உணவில் சேர்த்துக்கொள்ள வேண்டும். கேரட், அவரை, வெண்டைக்காய் மற்றும் பீன்ஸ் உணவில் அதிக அளவில் சேர்ப்பது நல்லது. சிறிய வெங்காயம் உணவில் அல்லது தனியாகவோ சாப்பிட, நலம் பயக்கும். குப்பைமேனி இலைகளை அரைத்து அத்துடன் மிளகு சேர்த்து காலை வேளைகளில் சாப்பிட்டு வர, உடலின் நோய் எதிர்ப்புத் தன்மை அதிகரித்து, உடலுக்கு நலம் தரும்.




இன்று நமது வாழ்வியல் முறை மற்றும் வேலை செய்யும் முறைகளில் உண்டாகியிருக்கும் மாற்றங்கள், உணவியல் பழக்க மாற்றங்கள் போன்றவை நமது முன்னோர்கள் அறியாத உடல்நல உபாதைகளை நமக்கு பரிசளித்து சென்றுள்ளன.

மலம் கழிப்பதில் நமது முன்னோர்கள் சிரமம் கண்டதில்லை, அவர்கள் சிறுநீர் கழிக்கும் பிரச்சனைகள் என ஒன்றை அறிந்ததே இல்லை. ஆனால், நாம் அப்படியா... காலை கடன் கழிப்பதே பெரும் போராட்டம் தான் பலருக்கு.

இதோ! நன்னாரி வேர், கறிவேப்பிலை கொண்டு தயாரிக்கப்படும் இந்த ஆயுர்வேத மருந்து எல்லா விதமான சிறுநீர் கோளாறுகளையும் சரி செய்யும்...

தேவையான பொருட்கள்! 
நன்னாரி வேர், கறிவேப்பிலை, சின்ன வெங்காயம், வெந்தயம், மிளகு சோம்பு மற்றும் சீரகம்

அறிகுறிகள்! 
சிறுநீர் எரிச்சல், சரியாக சிறுநீர் போகாமல் இருத்தல் போன்ற அறிகுறி அதிகம் தென்பட்டால் நீங்கள் இந்த ஆயுர்வேத மருந்தை உட்கொள்ளலாம். இது சிறந்த மாற்றத்தை உணர செய்யும்.

செய்முறை! 
நன்னாரி வேர், கறிவேப்பிலை, சின்ன வெங்காயம், வெந்தயம், மிளகு, சோம்பு மற்றும் சீரகம் ஆகிய அனைத்தையும் ஒன்றாக சேர்த்து அரைத்து எடுத்துக் கொள்ளவும். அதை நீருடன் சேர்த்து காய்ச்சி கசாயம் போல வைத்து குடித்து வந்தால் சிறுநீர் சம்மந்தமான அனைத்து பிரச்சனைகளுக்கும் தீர்வு காணலாம்.

நன்னாரி பயன்கள்! 
நன்னாரி உடல் வியர்வையைக் கூட்ட, சிறுநீர் போக்கை அதிகரிக்க, இரத்தத்தை சுத்தப்படுத்த பயன்படும் ஒரு சிறந்த பொருளாகும். மேலும், இது சிபிலிஸ் (syphilis), மூட்டுவலி, உடல் சூடு போன்றவைக்கும் தீர்வளிக்கிறது.

சின்ன வெங்காயம்! 
சின்ன வெங்காயம் நாம் அன்றாடம் உணவில் சேர்த்துக் கொள்ள வேண்டிய முக்கிய உணவு பொருள். இது உடலில் நோய் எதிர்ப்பு சக்தியை அதிகரிக்க பெரிதும் உதவுகிறது.

மிளகு! 
சளியோ இருமலோ வீட்டில் மிளகுஇருந்தால் போதும் நோயை போக்கிவிடலாம் என்பார்கள். பாட்டி வைத்தியத்தில் மிளகுக்கு மிகப்பெரிய பங்குண்டு. நறுமணப்பொருளான மிளகு இயற்கை வைத்தியத்தில் அதிகம் பயன்படுத்தப்படுகிறது.

நம்வீட்டில் சமைக்கப்படும் அனைத்துப் பொருட்களிலும் ஒரு சிட்டிகை மிளகு சேர்த்துக்கொண்டால் உண்ணும் உணவு எளிதில் ஜீரணமாகும் என்கின்றனர் நிபுணர்கள்.


சுடுநீரில் கிராம்பு சேர்த்து குடிப்பதால்…….

நம்மில் பல பேர் சோர்வுத் தன்மை நீங்கி சுறுசுறுப்பாக இருக்க வேண்டும் என்பதற்காக அடிக்கடி டீயை குடிப்போம். ஆனால் அடிக்கடி டீ குடிப்பதும் நமக்கு ஆபத்து தான், எனவே உடலுக்கு ஆரோக்கியமான கிராம்பு கலந்த மூலிகை டீயை பருகலாம்.



ஐந்து கிராம்பை ஒரு கப் தண்ணீரில் போட்டு நன்றாக கொதிக்க வைத்து, பின் அந்த நீரை பருகலாம். இந்த டீயில் விட்டமின் சத்துக்கள் ஏராளமாக நிறைந்துக் காணப்படுகிறது. தலைவலி, உயர்ரத்த அழுத்தம், செரிமானப் பிரச்சனை, கல்லீரல் குறைபாடு போன்ற பிரச்சனைகளைத் தடுத்து, பற்கள் பிரச்சனை, சீரான ரத்தோட்டம், இதயம் போன்றவற்றின் ஆரோக்கியத்தை மேம்படுத்துகிறது.



குறிப்பு பல் வலி இருப்பவர்கள் இந்த கிராம்பு கலந்த மூலிகை டீயை மிதமான சூட்டில் குடிப்பது மிகவும் நல்லது!

ஹைப்போ தைராய்டு மற்றும் ஹைப்பர் தைராய்டு எனும் இரண்டு வகையான தைராய்டு பிரச்சனையில், ஹைப்பர் தைராய்டு பிரச்சனையை கட்டுப்படுத்த இயற்கையில் உள்ள அற்புத வழிகளை காண்போம்.

ஹைப்பர் தைராய்டு ஏற்பட காரணம் என்ன?

ஹைப்பர் தைராய்டு பிரச்சனை ஏற்படுவதற்கு அதிக மருந்து மாத்திரைகள் சாப்பிடுவது, உணவில் அதிக உப்பை சேர்ப்பது, புகைப்பிடித்தல் பழக்கம் மற்றும் அதிகப்படியான மன அழுத்தம் போன்றவை முக்கிய காரணங்களாகும்.

ஹைப்பர் தைராய்டு பிரச்சனையின் அறிகுறிகள் என்ன?


  1. முடி உதிர்தல் ஏற்படும்
  2. கண்கள் பெரிதாக மாற்றம் அடையும்.
  3. கழுத்தில் வீக்கம் உண்டாகும்.
  4. தூக்கமின்மை, பசியின்மை மற்றும் மிகுதியான சோர்வு நிலை ஏற்படும்.
  5. திடீரென உடல் எடை குறைவு உண்டாகும்.
  6. மூச்சு விடுவதில் சிரமங்கள் ஏற்படும்.
  7. வயிற்றுப்போக்கு மற்றும் அதிக வியர்வை வெளியேற்றம் உண்டாகும்.
  8. சீரற்ற மாதவிடாய் சுழற்சிகள் இருக்கும்.

ஹைப்பர் தைராய்டு பிரச்சனையை தடுக்கும் வழிகள்?

பதப்படுத்தப்பட்ட உணவுகள் மற்றும் இறைச்சிகள், கேன்களில் அடைக்கப்பட்ட உணவுகள், ஜாம், மாவுப் பொருட்கள் ஆகியவற்றை உணவில் சேர்த்து சாப்பிடுவதை முற்றிலும் தவிர்க்க வேண்டும்.
சர்க்கரை மற்றும் தானியங்களில் இருந்து தயாரிக்கப்படும் மாவுப் பொருட்கள் சாப்பிடுவதை தவிர்த்து, தானியங்களை உட்கொள்ள வேண்டும்.

க்ளூட்டன் நிறைந்த உணவுப் பொருட்களான கோதுமை, பார்லி, சோயா ஆகிய உணவுகளை தவிர்த்து, அலர்ஜியை ஏற்படுத்தும் அனைத்து வகை உணவுகளையும் உணவில் சேர்த்துக் கொள்ளக் கூடாது.

இஞ்சி, மஞ்சள், பட்டை போன்றவற்றை உணவில் அதிகம் சேர்த்து கொள்ள வேண்டும். ஆனால் வெங்காயம் மற்றும் பூண்டை அதிகமாக உணவில் சேர்க்கக் கூடாது.

தயிரில் உள்ள புரோபயோடிக்ஸ், நம் குடலில் நல்ல பாக்டீரியாக்களின் வளர்ச்சியை மேம்படுத்தி, செரிமானத்தை சீராக்கி, உடலினுள் ஏற்படும் அழற்சியைக் குறைக்க உதவுவதால், தினமும் தயிரை சாப்பிட வேண்டியது அவசியம்.

வீட்டை சுத்தம் செய்ய உதவும் கெமிக்கல் கலந்த பொருட்கள், பூச்சிக்கொல்லிகள், முலாம் பூசப்பட்ட பாத்திரங்களில் சமைத்து சாப்பிடுவது, நச்சுமிக்க வாயுக்களை சுவாசிப்பது போன்ற சூழலில் இருந்து விலகி இருக்க வேண்டும்.

புரோட்டீன்கள் பாதிக்கப்பட்ட திசுக்களை புதுப்பிக்க உதவுவதால், ஹைப்பர் தைராய்டு உள்ளவர்கள், புரோட்டீன் நிறைந்த உணவுகளை அதிகம் சாப்பிட வேண்டும்.

பச்சை இலைக் காய்கறிகளான ப்ராக்கோலி, முட்டைக்கோஸ் போன்ற உணவுகளை அதிகமாக எடுத்துக் கொண்டால், அது தைராய்டு சுரப்பியில் சுரக்கும் ஹார்மோன்களின் அளவைக் குறைக்க உதவுகிறது.

விட்டமின் D சத்து நிறைந்த உணவுகளை சாப்பிடுவதுடன், அதிகாலை சூரியக்கதிர்கள் சருமத்தின் மேல் படும்படி, வாக்கிங் பயிற்சியை மேற்கொள்ள வேண்டும்.

குழந்தைகள் முதல் பெரியோர்கள் வரை அனைவரையும் தாக்கும் ஒன்று தன் வைரஸ் காய்ச்சல். வைரஸ் கிருமியால் காய்ச்சல் வந்தால், இருமல், தொண்டைப்புண் மற்றும் கடுமையான உடல் வலி ஏற்படக்கூடும். அதுமட்டுமின்றி, வைரஸ் காய்ச்சல் வந்தால், அதனால் குடல், நுரையீரல் மற்றும் சுவார குழாய்கள் போன்றவையும் பாதிக்கப்படும்.

இதனை சரிசெய்ய நம் கிராமப்பகுதியில் ஒருசில வைத்தியங்களை மேற்கொள்வார்கள். அவற்றைப் பின்பற்றினால், விரைவில் வைரஸ் காய்ச்சல் குணமாகும். சரி, இப்போது வைரஸ் காய்ச்சலை சரிசெய்யும் அந்த கிராமத்து வைத்தியங்கள் என்னவென்று பார்ப்போமா!

துளசி இலைகள் 
ஒரு லிட்டர் தண்ணீரில் துளசி இலைகள் சிறிது மற்றும் 1/2 டீஸ்பூன் கிராம்பு பொடி சேர்த்து நன்கு பாதியாக வரும் வரை கொதிக்க விட்டு, பின் அந்நீரைக் குளிர வைத்து தினமும் 3-4 முறை குடித்து வர, வைரஸ் கிருமிகளை உடலில் இருந்து அழித்து காய்ச்சலில் இருந்து விடுபடலாம்.

பூண்டு மற்றும் ஆலிவ் ஆயில் 
2 பூண்டு பற்களைத் தட்டி, 2 டேபிள் ஸ்பூன் ஆலிவ் ஆயிலுடன் சேர்த்து வெதுவெதுப்பாக சூடேற்றி, பாதங்களில் தடவி, பிளாஸ்டிக் கவரால் கட்டி தூங்கவும். இதனால் காய்ச்சல் குறையும்.

மல்லி 
ஒரு டம்ளர் நீரில் 1 டீஸ்பூன் மல்லியை சேர்த்து சில நிமிடங்கள் கொதிக்க விட்டு, பின் அந்நீரை வடிகட்டி, பாலுடன் சேர்த்து, தேன் கலந்து குடித்து வர, வைரஸ் காய்ச்சல் விரைவில் குணமாகும்.

உலர் திராட்சை 
ஒரு கையளவு உலர் திராட்சையை ஒரு கப் நீரில் போட்டு ஊற வைத்து, பின் அந்த உலர் திராட்சையை நீருடன் சேர்த்து ஓரளவு அரைத்து வடிகட்டி, அதில் பாதி எலுமிச்சையை பிழிந்து, தினமும் 2 முறை குடித்து வர வேண்டும்.

இஞ்சி மற்றும் தேன் டீ 
சிறு இஞ்சி துண்டை எடுத்து தோலுரித்து துண்டுகளாக்கி, ஒரு கப் நீரில் போட்டு கொதிக்க வைத்து, தேன் கலந்து தினமும் 2-3 முறை குடிக்க வேண்டும்.

மூலிகை தேநீர் 
வைரஸ் காய்ச்சலின் போது மருத்துவ குணங்கள் நிறைந்த பொருட்களைப் பயன்படுத்தி மூலிகை டீ போட்டு குடித்து வர, அதில் உள்ள வைட்டமின்கள் மற்றும் கனிமச்சத்துக்கள் நோயெதிர்ப்பு சக்தியைத் தூண்டி, விரைவில் காய்ச்சல், இருமல், சளி போன்றவற்றை சரிசெய்து, உடலின் நீர்ச்சத்தை சீராக பராமரிக்கும்.

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget